ബെംഗളൂരു: കണ്ടൈൻമെന്റ് സോണുകളിലെ പള്ളികൾ അടച്ചിടുമെന്ന് കർണാടക സർക്കാർ ചൊവ്വാഴ്ച റംസാൻ നോമ്പ് മാസത്തിന് മുന്നോടിയായി പുറത്തിറക്കിയ സർക്കുലറിൽ അറിയിച്ചു. കൂടാതെ, എല്ലാസമയത്തും സാമൂഹിക അകലം ഉറപ്പാക്കുന്നതിന് തറയിൽ പ്രത്യേക അടയാളങ്ങൾ സ്ഥാപിക്കാൻ സംസ്ഥാനത്തെ എല്ലാ പള്ളികൾക്കും നിർദ്ദേശം നൽകിയിട്ടുണ്ട്.
തിരക്ക് ഒഴിവാക്കുന്നതിനും ഫെയ്സ് മാസ്കുകൾ ധരിക്കുന്നതിനും പ്രത്യേക ശ്രദ്ധ വേണമെന്നും സർക്കുലറിൽ കൂട്ടിച്ചേർക്കുന്നു. എൻട്രി പോയിന്റുകളിൽ തെർമൽ സ്കാനിംഗിനായി പരിശീലനം ലഭിച്ച ഒരു സന്നദ്ധപ്രവർത്തകനെ വിന്യസിക്കണം എന്നും കോവിഡ് -19 നുള്ള പ്രതിരോധനടപടികളെക്കുറിച്ച് അവബോധം സൃഷ്ടിക്കുന്നതിനുള്ള ഓഡിയോ, വീഡിയോ ക്ലിപ്പുകൾ പ്ലേ ചെയ്യാനും നിർദ്ദേശിക്കുന്നു.
60 വയസ്സിനു മുകളിലുള്ള വ്യക്തികൾ, രോഗാവസ്ഥയുള്ളവർ, ഗർഭിണികൾ, 10 വയസ്സിന് താഴെയുള്ള കുട്ടികൾ എന്നിവർ വീട്ടിൽ തന്നെ തുടരാൻ നിർദ്ദേശിച്ചിരിക്കുന്നു. വലിയ സമ്മേളനങ്ങളോ സഭകളോനിരോധിച്ചിരിക്കുന്നു, ഉപയോഗിച്ച ടിഷ്യൂകൾ അടച്ചചവറ്റുകുട്ടകളിൽ നീക്കംചെയ്യണം, എല്ലാ പള്ളികളിലും സന്ദർശകർക്ക് പ്രത്യേക പ്രവേശനവും എക്സിറ്റ്പോയിന്റുകളും ഉണ്ടായിരിക്കണം, എന്നീ മാർഗ്ഗനിർദ്ദേശങ്ങളും സർക്കുലറിൽ പറയുന്നുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
